Пукано врз играч на „Фенер“!

Непознати напаѓачи пукале врз автомобилот на фудбалерот на Фенербахче, Мехмет Топал, кој остана неповреден во нападот, соопшти турскиот прволигаш.

Топал бил нападнат додека се враќал дома од тренинг, а погодена е блиндираната шофершајбна од неговото возило.

 

За сега не се познати мотивите на нападот, пренесува агенцијата АП.

 

Во април врз автобусот со фудбалерите на Фенербахче беа испукани неколку куршуми додека се враќаа од гостувањето во Трабзон.

 

Тогаш беше погоден во лице возачот на автобусот, поради што беше префрлен во болница.