Протестен марш на „За заедничка Македонија“ во Кавадарци

Граѓанската иницијатива за заедничка Македонија и вечерва реализираше протестен марш во Кавадарци.

Незадоволните од, како што реакоа, платформата изготвена во Тирана, маршираа од пред  црквата „Света Петка" во центарот на Кавадарци, преку главната улица „Илинденска", до централното градско подрачје.

Пред присутните на плоштадот се обрати актерката Милица Гочевска, која прочита поезија посветена на татковината.

Гочевска нагласи дека мирните протести продолжуваат и понатаму, со јасна порака дека никој не смее да се обидува да ја редефинира Македонија.