Променливо облачно време со услови за слаб локален дожд

Претпладне по одделни котлини ќе има појава на магла или ниска облачност, а во текот на денот ќе преовладува променливо облачно време со услови за слаб локален дожд.

Според прогнозата на УХМР, во текот на ноќта кон четврток во западните делови ќе има врнежи од дожд, а на планините и на некои повисоки места од снег. Минималната температура ќе биде во интервал од -2 до 6, а максималната ќе достигне од 5 до 10 степени.

Во Скопје претпладне ќе има појава на магла или ниска облачност, а преку денот ќе преовладува променливо облачно време. Минималната температура ќе се спушти до 0, а максималната ќе достигне  9 степени.

- Во следните денови времето ќе биде променливо облачно, на повеќе места со врнежи од дожд, а на планините и на некои од повисоките места од снег. Повремено врнежите ќе бидат пообилни, особено во западните делови каде на планините снежната покривка ќе се зголемува, соопшти Управата за хидрометеоролошки работи.