Приведен кичевец, во неговиот дом пронајдена дрога

На локален пат за место викано „Крушино“, Кичевско синоќа во 21.20 часот полициски службеници од Полициската станица Кичево го лишиле од слобода Ј.Л.(51) од кичевското село Зајас.

Како што соопшти МВР, Ј.Л. кога ги забележал полициските службеници фрлил ќеса со бела прашкаста материја, која e пронајдена и одземена.

Подоцна, со судска наредба, бил извршен претрес во домот во кој престојувал Ј.Л., при што биле пронајдени  и одземени предмети со остатоци од бела прашкаста материја.

Лицето било задржано во полициска станица и по целосно документирање на случајот, против него ќе биде поднесена соодветна пријава.