Преглед на вестите од светот

Кинескиот министер за надворешни работи Ванг Ји денеска имаше состанок со својот ирански колега, министерот за надворешни работи Абас Аракчи, според извештаите на локалните медиуми. Еднодневното патување на Аракчи доаѓа една недела пред закажаната посета на американскиот претседател Доналд Трамп на Пекинг за самит со претседателот Си Џинпинг на 14 и 15 мај.

Кина постојано ги повикуваше САД и Иран да го одржат прекинот на огнот и да ги укинат ограничувањата во Ормускиот теснец.

Руските напади врз градовите во источна Украина убија најмалку 25 лица во вторникот, неколку часа пред крајниот рок за предлог од Киев за неопределено примирје. Во други напади во Запорожје, убиени се најмалку 12 лица, а 20 се повредени. Оштетена е инфраструктура, станбени објекти и постројки за гас.  Во Русија, во напад со украински беспилотни летала врз централниот регион Чувашија во вторникот загинаа две лица.

Русија објави прекин на огнот за 8 до 9 мај, што ќе се совпадне со одбележувањето на победата на Советскиот Сојуз над нацистичка Германија во Втората светска војна и воената парада на Црвениот плоштад во Москва.

Како одговор, Украина објави предлог за прекин на огнот на неопределено време со почеток во среда од полноќ, повикувајќи ја Русија да возврати.

Американскиот претседател Доналд Трамп напиша на својата платформа за социјални медиуми Truth Social:

„Додека блокадата ќе остане во полна сила и ефект, Проектот Слобода (движење на бродови низ Ормутскиот теснец) ќе биде паузиран за краток временски период за да се види дали Договорот може да се финализира и потпише“,Тој рече дека одлуката е заснована на барањето на Пакистан и други земји, како и на „големиот напредок... постигнат кон целосен и конечен договор со претставниците на Иран“.

Неколку часови претходно американскиот државен секретар Марко Рубио изјави дека американската воена кампања против Иран, која беше започната заеднички со Израел на 28 февруари, е „завршена“, бидејќи САД го префрлија фокусот на Проектот Слобода во напорите за повторно отворање на клучниот глобален енергетски воден пат.

„Но, погледнете ја пораката до Иран, овие луѓе се соочуваат со вистинско катастрофално уништување на нивната економија, генерациско уништување на нивната економија. Генерациско уништување на богатството на нивната земја, наметнато врз нив преку дејствијата што ги преземаат. Треба да се проверат себеси пред да се уништат во насоката во која одат.“

Во меѓувреме, иранската државна телевизија „Прес ТВ“ во вторник објави дека Техеран активирал нов механизам за управување со поморскиот транзит за унифицирано регулирање на преминот на бродовите низ Ормускиот теснец. Бродовите мора соодветно да ги прилагодат своите операции и да добијат дозвола за транзит пред да влезат во теснецот, според извори.

Студентите во блокада во Србија најавија нов студентски митинг на 23 мај на плоштадот Славија во Белград. „Ова е град каде што нема причина да бидете сами во него на 23 мај“. Тоа е само првиот од серијата што го промовираат како дел од кампањата „Студентите победуваат“.

Претседателот на Србија, Александар Вучиќ, вечерва изјави дека одлука за избори ќе биде донесена за 10-на дена.