Познат идентитетот на матичниот доктор убиен во Железара - синовите го нашле избоден во кола

„На 21.03.2024 во 23.09 часот во СВР Скопје било пријавено дека во сопственото возило „киа“ со скопски регистарски ознаки, на паркинг пред поранешната клиника Железара, со убодни рани по телото бил пронајден А.Т.(67) од Скопје. Според пријавеното, тој бил пронајден од неговите синови, кои почнале да го бараат откако не се вратил дома од работа. Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција. Се преземаат мерки за расчистување на случајот“ - велат од МВР

Според неофицијалните информации до кои дојде Сител станува збор за доктор кој бил пред пензија. Во поликлиниката под концесија држел амбуланта како матичен лекар и бил почитуван од пациентите. Нема никакви информации кои се мотивите за убиството.

Александар Спасовски