Поранешен агрентински претседател смета дека неговиот син го убиле припадници на Хезболах

Поранешниот аргентински претседател Карлос Менем смета дека синот му е убиен од либанската радикална група Хезболах.

Менев вчера изјави дека тогашниот министер за надворешни работи Гвидо ди Тела го информирал дека чул од странски амбасади за вмешаноста на Хезболах во убиството на неговиот син пред 21 година. Менем не даде повеќе детали пред судиите за случајот.

Обвинителството во Буенос Аирес смета дека Хезболах и Иран се одговорни за експлозија во еврејски центар во Буенос Аирес во 1994 година кога загинаа 85 луѓе. Менем беше претседател од 1989 до 1999 година. Карлос Факундо Менем имаше 26 години кога хеликоптер со кој пилотирал се урна на 15 март 1995 година.