Пилот загина при уривање на руски авион ловец МиГ-29

Руски авион ловец МиГ-29 вчера се урна во Астраханската област, при што загина пилотот, соопшти руското Министерство за одбрана.

– Авионот се урна на полигонот Ашулук. Летот беше изведен без муниција, се наведува во соопштението.

На 17 август се урна порототип на руски воен транспортен авион за време на тренажен лет во близина на Москва. Новиот лесен воен транспортен авион Ил-112В се урна во шума додека слетуваше на аеродромот Кубинка, на околу 45 километри западно од Москва, при што загинаа тројца пилоти. Причина за несреќата е запалувањето на десниот мотор за време на летот.