Петок е неработен ден, следниот продолжен викенд е дури во април

Министерството за труд и социјална политика соопштува дека согласно со Законот за празниците на Република Макединја известува дека 19 јануари 2018 година (петок), Богојавление (Водици), е неработен ден за граѓаните од православната вероисповед во Република Македонија.

За вработените тоа значи продолжен викенд, секако за оние кои не работат во Сабота..

И тоа е и последниот неработен ден се до април…

Во април се велигденските празници. Велигден ќе биде на 8 април, а неработен ќе биде понеделникот, на 9 април. Заедно со неработниот Велики петок на 6 април, ќе се отвори супер можност за подолг одмор со оглед на тоа што ќе можете да отпатувате на петок до понеделник.

Интересен спој на празници ќе има во мај. На 24 мај четврток нема да се работи за Кирил и Методиј, а во петок, на 25 мај, нема да се работи за Духовден, што е уште еден продолжен викенд, и простор, заедно со четвртокот да се врзат 4 неработни денови.

Споен викнд ќе има и на 15 јуни, бидејќи тој петок нема да се работи поради празнувањето на Рамазан Бајрам, ден кој е неработен за сите граѓани.

Од празниците кои „пропаѓаат“ како неработни денови, поради тоа што се паѓаат во сабота, оваа година ќе ги „загубиме“, Денот на независноста на 8 септември и Св. Климент Охридски на 8 декември.