Пеколниот финиш на Севилја го сруши Реал
Откако пред три дена во реваншот од осминафиналето на националниот куп не успеаја, во неделата вечерта фудбалерите на Севилја во дербито од 18-то коло на шпанското првенство го совладаа Реал Мадрид со 2-1, со неверојатен пресврт и ѝ ставија крај на серијата на непоразеност на „кралевите“ која траеше 40 натпревари од април 2016 година.
До 86 минута Реал имаше водство, победа и три бода во рацете, благодарејќи на голот што го постигна Кристијано Роналдо во 67 минута од пенал. Меѓутоа, следеше пресвртот во кој придонес имаше и капитенот на мадриѓаните Серхио Рамос.
Имено, во 86 минута Рамос катастрофално реагираше на нафрлувањето од Сарабија и со глава топката ја спроведе во сопствената мрежа. Една минута ги делеше Севилја и Реал од поделба на бодовите, но Стеван Јоветиќ со удар од 20-ина метри успеа да го совлада Кејлор Навас и да ѝ ја донесе победата на Севилја за напредување до второто место на табелата.
Севилја сега има 39 бодови, еден помалку од водечкиот Реал а еден повеќе од третопласираната Барселона. Реал има натпревар помалку во однос на најблиските ривали.
Ново на Сител
-
Реакција на Филозофскиот факултет и деканот Бакрески на изјавите на просветниот инспектор Ѓорѓи Илиевски
-
Орбан до Маѓар: Ако не се борите за Унгарија во Брисел, бриселските бирократи ќе ве прегазат
-
Лапароскопски гинеколошки операции за прв пат во болницата во Кавадарци
-
Премиерот Мицкоски денеска бил меѓу Македонците во Туминец, Преспа и Мала Преспа
-
Тошковски: Никогаш нема да ја заборавиме жртвата на загинатите припадници на полицијата во Диво Насеље
-
Даниловски за хантавирусот: Крајно време е да научиме да правиме разлика меѓу реален јавно-здравствен ризик и алгоритамски произведен страв
-
Нултиот пациент кој заболел од хантавирус на крузерот „Хондиус“ бил холандски орнитолог
-
Недела на сестринството, министерот Алиу најави поддршка за медицинските сестри и акушерки
