Палмер во посета на Белград

Претседателот на Србија, Александар Вучиќ денеска во Белград ќе се сретне со американскиот специјален претставник за Западен Балкан, Метју Палмер.

Предвидено е Вучиќ денеска заедно со премиерката Ана Брнабиќ да се сретнат и со специјалниот пратеник на претседателот на САД, Ричард Гренел.

Палмер пред посетата на Белград, ги посети Скопје и Приштина при што наведе дека Косово не може да биде изоставено од трајното решение за Балканот, како и дека решавањето на „односите помеѓу Косово и Србија“ остануваат стратешки приоритет на САД.