Ова го може само Билјана: Самохрана мајка цепи дрва и копа канали за да ги прехрани своите 10 деца!

Билјана Кокиќ (32) од Брод е самохрана мајка на 10 деца и секој ден треба да обезбеди најмалку 33 оброци.

Пет деца одат на училиште, па за нив е потребен школски прибор и хигиенски средства до кои се потешко се доаѓа. Сега се подстанари, но не плаќаат кирија. 

- Сепак има надеж за ова семејство да има свој кров над главата - велат од општината.

Во семејството Кокиќ најстарата ќерка има 13 години и заедно со нејзината мајка таа го носи најголемиот товар.

- Се грижи за нив, ги носи на училиште, помага околу домашните задачи и покрај се тоа е одлична ученичка - вели Надежда Ристановиќ, психолог во основното училиште "Свети Сава" од Брод. На семејството Кокиќ помагаат и професорите од училиштето. Започнале акција за петте основци и обезбеден им е по еден обрек дневно во училиштето.

Сепак сонуваат за свој кров на главата.

Најтешко е да се дојде до пари, бидејќи кога и да работиш некоја чесна работи обично ја работиш за минималец. Затоа работам се, од цепење на дрва до копање на канали - раскажува оваа самохрана мајка.

- Сакам само моите деца да имаат свој дом - вели Билјана. Семејството добива 250 км месечно детска заштита поради двете деца со пречки во развој.

Од општината и Министерство за бегалци и иселеници договориле на ова семејство да му се изгради стан од 80 квадратни метри.

- Во склоп на стамбена зграда, една стамбена единица со најголема површина ќе припадне на семејството Кокиќ - вели Гордана Брковиќ Вујиќ, директорка на Центарот за социјална работа.

Изградбата на дом за семејстовто Кокиќ би требало да започне следната година.