Ослободен е мажот кој 21 година бил заробен во Сирија

Педесет и тригодишниот, Мехмет Ертурк, кој беше ослободен од затворот Адра во Дамаск, каде помина 21 година, се врати со семејството во Килис, Турција, јавија турските медиуми.

Ертурк, кој беше уапсен во 2003 година во Дамаск, главниот град на Сирија, под обвинение за шверц и испратен во затворот Адра, имал 32 години кога влегол во затворот каде што поминал 21 година.

Противниците на режимот на Башар ал Асад го ослободија по соборувањето на режимот на Баас кој владееше со Сирија 61 година.

По ослободувањето, Ертурк бил донесен во Џараблус. Тој се сретнал со семејството откако поминале низ процедури на граничниот премин Каркамис во Газиантеп.

Неговото семејство живеело во Килис.

Ертурк рече дека отишол во затвор поради клевета на пријател. Сепак, тој ја отслужи казната пред девет години, но не беше ослободен. Тој рече дека во затворот бил подложен на разни мачења.

-Околу 99 отсто од оние што одат во тој затвор умираат таму. Иако ми заврши казната, не ме пуштија мене и другите Турци. Ме измачуваа. Храната беше лоша. Мислев дека ќе умрам во затвор, вели Ертурк.