Оружје и муниција пронајдени кај 71 годишен жител на Струшко

Струшката полиција пронашла и одзела оружје и муниција од домот и автомобилот на 71 годишен жител на селото Делогожда.

СВР  Охрид денеска соопшти дека полициски службеници од ОВР Струга вчера во 8 часот го лишиле од слобода Џ.Д.(71) од селото Делогожда.

- При претрес во неговиот дом, извршен со судска наредба, биле пронајдени и одземени ловечка пушка „Брно ЗХ 321“ калибар 16 милиметри, куршуми со калибар 8х57, ловечки патрони калибар 16 милиметри, други предмети и соодветна дозвола. При претрес во неговото возило „хјундаи“ со швајцарски национални ознаки, кое било паркирнао во дворот, биле пронајдени и одземени ловечка пушка карабин 8х57 „Црвена застава“, ловечки патрони калибар 16 милиметри и куршуми калибар 8х57 што нелегално ги поседувал изјави портпаролот Стефан Димоски.
По целосно расчистување и документирање на случајот, против лицето ќе биде поднесена соодветна пријава.