Одрон од карпа на влезот на Радожда

За влакно избегната трагедија во струшкото село Радожда. Голем одрон од карпа падна и го блокира влезот но за среќа нема повредени лица.Мештаните велат дека станува збор за еден од најфреквентните туристички патишта  а на само три метра од местото имало жители со мали деца.

Жителите стравуваат дека местото не е безбедно бидејќи имало и други карпи кои би можеле во секој момент да паднат а половина од селото е под карпи .Од месната заедница бараат трајно решение за проблемот и увид на состојбата на терен.

Инаку ова не е прв пат во туристичкото село покрај брегот на езерото да има одрони од карпи во 2021 година падна одрон врз семејна куќа а во друг случај одрони го затрупаа влезот на патот кон населбата Елен Камен.