ОБСЕ со 500 набљудувачи ќе ги следи изборите во САД

Организацијата за европска безбедност и соработка (ОБСЕ) има намера да испрати 500 меѓународни набљудувачи за следење на претседателските избори во САД, во ноември, јавија денеска британските медиуми, забележувајќи дека бројката на набљудувачи е десеткратно поголема од онаа за изборите во 2012 година.

На изборите во САД ќе бидат испратени набљудувачи од организации за меѓународна безбедност и за заштита на правата од вкупно 57 држави учеснички во ОБСЕ, наведуваат британските медиуми.

Коалицијата од над 200 американски групи за заштита на граѓанските права со писмо ја повика ОБСЕ да испрати дури и повеќе од 500 набљудувачи, колку што ОБСЕ побара врз основа на проценката што ја спроведе во мај.

Со писмото ОБСЕ се повикува да ги фокусира своите ресурси на осум држави во кои, како што се наведува, има поголема веројатност да дојде до обиди за застрашување, вклучувајќи ги Пенсилванија и Северна Каролина, каде на 8 ноември се очекува тесна изборна трка меѓу претседателските кандидати Хилари Клинтон и Доналда Трамп.