Облачно со локални врнежи од дожд

Времето денеска се очекува да биде претежно облачно со повремени локални врнежи од дожд, особено претпладне во југозападните и јужните делови. Се очекува да дува слаб до умерен ветер од јужен правец.

Во Скопје, исто така, најавено е претежно облачно време со повремени врнежи од дожд со послаб интензитет. Се очекува да дува умерен југоисточен ветер. Температурата во главниот град на државата се очекува да се движи меѓу 9 и 14 степени Целзиусови.

Седумнаесет степени Целзиусови се најавени за во Гевгелија и во Демир Капија.

Според синоптичарите, утре, исто така, врнежите ќе бидат со послаб интензитет. Во петок и во деновите од викендот, повторно се очекуваат пообилни врнежи од дожд, локално во форма на невреме со засилен ветер и услови за појава на грмежи. Утринските и дневните температури од недела значително ќе опаднат.

МИА