Нова дојава за бомба во авионот за Москва предизвика паника во Белград

На летот Белград - Москва денеска повторно стигна дојава за бомба во леталото, поради што патниците мораше да се вратат на аероромот во главниот град на Србија, пренесуваат српските медуми.

Во авионот „Ер Србија“ имало 125 патници и пет членови на екипажот, а дојавата за бомба била испратена преку мејл.

И на сајтот „Флајт радар“ е објавена информација дека авионот ЈУ652 кој летал кон Москва морал да се врати за Белград, но не е наведена причината.

Дојава за бомба на летот кон Москва беше испратена во петокот, по што полицијата откри дека станува збор за лажна пријава.