Невремето направи хаос во Хрватска: Дождот ја потопи Ријека, а паѓа и снег

Невреме проследно со грмежи и пороен дожд, како и снег на повисоките места, денеска го погоди реонот на североисточниот дел на Јадранското Море, на потегот од хрватскиот град Ријека, до италијанскиот Трст.

Во Ријека до вечерните часови наврнале околу 200 милилитри дожд, што предизвика проблеми во одвивањето на сообраќајот. Низ улиците на градот течеле порои вода, а во некои делови се создале вирови длабоки и до 40 сантиметри.

Невреме проследено со порен дожд било регистрирано и на подрачјата на словенечкиот град Копер и во околината на Трст.

На некои повисоки реони во Истра во вечерните часови дождот преминал во снег.