Намалени цените во земјоделството во јануари

Цените во земјоделството во јануари во споредба со истиот месец минатата година се намалени, кај инпутот за 2,2 проценти, а кај аутпутот за 1,1 процент, објави денеска Државниот завод за статистика.

Кај тековно потрошените средства намалувањето изнесува 2,3 отсто, а на средствата наменети за инвестиции има зголемување од 0,3 отсто.

Во делот на аутпутот, цените на растителното производство се намалени за 1 отсто, а намалување од 1,6 отсто има и кај цените на добиточното производство.