Најголема излезност во Ново Село во струмичко-радовишкиот регион

До 13 часот најгoлема излезност на гласачите во струмичко-радовишкиот регион е забележана во општина Ново Село со 24 отсто и за претседателските и за предвремените избори за градоначалник од вкупно запишани 11.365, односно 11.301 гласачи.

Во Струмица до 13 часот гласале 23 отсто од запишаните вкупно 49.243 избирачи, а во Конче 20 проценти од запишаните 2.744 избирачи.

Најмала излезност има во општините Босилово, каде излегле 16,35 отсто од запишаните 12.163 гласачи и Василево 16,50 проценти од 10.036 запишани избирачи.

Во Радовиш излегле 19 проценти од 24.201 гласачи до 13 часот.

Според информациите од општинските изборни комисии изборниот ден поминува мирно и без проблеми.

Инаку, во шесте општини од регинот има запишано 110.168 граѓани со право на глас, кои ќе гласаат на вкупно 192 избирачки места.