Најдобар стрелец во 21. век е Роналдо

Кристијано Роналдо во последно време речиси на секој натпревар соборува некој рекорд. Такво нешто беше видено и во средата на мечот од 17. Коло во Примера, помеѓу Реал и Реал Сосиедад. Реал славеше со 3:1, а Роналдо постигна два гола.

 

Португалецот во 42.минута го постигна првиот гол на мечот, што е негов 513 во кариерата, што го прави најдобар стрелец во 21 век.

 

Сосиедад, на почетокот од второто полувреме, израмни со спектакуларниот гол на Брума, а во финишот на мечот Роналдо возврати со уште поубав гол, негов 514 во кариерата.

 

Напаѓачот на Реал можеше да стигне и до хет трик, меѓутоа во првото полувреме, при резултат 0:0 не успеа да реализира пенал. 

 

Инаку, до крајот на мечот во 88.минута, Лукас Васкез го постави конечниот резултат, со својот гол првенец во Примера.

 

Роналдо во 2015 година постигнал 57 голови, во исто толку натпревари.