МЗ: ЕК го прогласи нашиот дигитален сертификат за вакцинација за еквивалентен на сертификатот на ЕУ
Министерството за здравство информира дека денеска Европската комисија го усвои националниот Дигитален сертификат на Република Македонија и истиот го смета за еквивалентен на Дигиталниот сертификат на ЕУ. Ние сме прва земја во регионот за која сертификатите за КОВИД-19 ќе се сметаат за еквивалентни на Дигиталниот сертификат на ЕУ.
Со ова се избегнуваат сите ограничувања во патувањата како што се дополнително тестирање или карантин. Во неопходни случаи, како што е заштитата на јавното здравје, земјите членки можат да преземат дополнителни мерки. Благодарение на оваа одлука ќе бидат укинати ограничувањата за патување за луѓето што ги примиле вакцините против Ковид-19 одобрени од ЕУ.
Со оваа одлука се гарантира дека сертификатите за КОВИД-19 издадени од Република Македонија ќе се сметаат за исти со Дигиталниот сертификат на ЕУ за КОВИД-19,а нашата земја официјално е поврзана со системот на ЕУ со сертификатот за КОВИД-19 издаден од нашите авторитети ќе биде прифатен во ЕУ под истите услови како и Дигиталниот сертификат за ЕУ. Во пракса, носителите на овие сертификати ќе можат да ги користат под истите услови како и носителите на ЕУ Дигиталниот сертификат за вакцинација.
Одлуката на Европската комисија е признание за Република Македонија за преземените активни чекори од наша страна со правилата на ЕУ во оваа насока и потврда за автентичноста и валидноста на чекорите кои се преземаат со цел заштита на здравјето на нашите граѓани.
Ново на Сител
-
Од утре патнички возови Скопје - Битола и Битола - Скопје
-
Хрватското обвинителство подигна обвинение против македонски државјанин осомничен за измама од 41.400 евра
-
Ѓорѓиевски: По 30 години голгота – булеварот „Борис Трајковски“ добива конечно решение
-
Условна затворска казна од една година за поранешната претседателка на ДКСК, Татјана Димитровска
-
Уапсени две лица откако едниот од нив репетирал пиштол и се заканувал кон група луѓе во Скопска чаршија
-
Приведени 6 лица поврзани со групна тепачка во угостителски објект во Велес
-
28-годишник од дебарско почина откако се повредил при сеча на дрва
-
Јетон Шасивари ја презеде функцијата министер за правда
