Модна ревија „Made in Macedonia: Женски вештини”

„Добредојде Macedonia Welcome Centrе“ (DMWC) во соработка со Француската амбасада и Меѓународниот Моден  институт „Изет Цури“, вечер во Музејот на Народна борба организираат модна ревија насловена “Made in Macedonia: Women’s Skills”.

Ревијата се организира по повод 8 Март – Денот на жената и пет години од успешна работа на Институтот „Изет Цури“. На модната ревија ќе бидат претставени 30-тина креации изработени од студентите од  прва до четврта година на овој Институт. Настанот ќе го отвори францускиот амбасадор Кристиан Тимоние.

Интернационалниот институт за мода „ Изет Цури“ е приватна образовна институција чија основна цел е да создаде нови креативни генерации во областа на модата во Македонија. Основан е 2014 година и до денес и работи под директно менторство на професорот Изет Цури, ценето име на париската модна сцена со долгогодишна успешна кариера на глобално ниво.