Мијалков за притворот може да се жали до Апелациски суд

Сашо Мијалков во рок од 24 часа по приемот на решението од Кривичниот суд за 30-дневниот притвор има право на жалба до Апелацискиот суд – Скопје.

– Постапувајќи по предлог на Јавното обвинителство за гонење кривични дела поврзани и кои произлегуваат од незаконското следење на комуникациите за определување мерка притвор против С.М. опфатен со обвинителен предлог во предметот со КОК. Бр. 47/17 од обвинителството означен како
„Таргет/Тврдина“, судијата кој постапува по предметот по ценење на фактите и доказите опфатени со предлогот донесе решение со кое го прифати предлогот и определи мерка притвор во траење од 30 дена заради постоење на основите од член 470 став 1. точка 1. од ЗКП, соопшти Кривичниот суд.

Против ова решение, како што велат од Судот, странките имаат право на жалба до Апелацискиот суд –Скопје во рок од 24 часа по приемот на решението.