Мицкоски: Власта системски го уништува образованието

Лидерот на ВМРО-ДПМНЕ Христијан Мицкоски по повод Меѓународниот ден на образованието на неговиот фејсбук профил денеска напиша дека нашата држава Денот го дочекува со 20 илјади деца кои не следат настава затоа што немаат компјутери, штрајк на матурантите, „реформи од Финска” кои не се од Финска, а кои се туркаат на сила и без консензус, како и со обид да се укине предметот историја како посебен предмет.

Меѓународниот ден на образование, како што објави Мицкоски на ФБ, нашата земја го дочекува со ниту еден универзитет кој е на Шангајската листа од 1000 најдобри универзитети во светот, како и со образование кое е политизирано, наместо професионализирано.

– Сето ова не го ветија, ама го остварија. А од ветеното ништо не исполнија. Со ваква власт нема иднина. Образованието системски се уништува. Наша е иднината и ние заедно ќе се избориме, напиша на неговиот фејсбук профил лидерот на ВМРО-ДПМНЕ.