Мицкоски: Не гледам проблем во тоа на личната карта да стои дека сум Македонец

Претседателот на ВМРО-ДПМНЕ, Христијан Мицкоски нема ништо против да се воведе етничка графа во личните карти.

-Не гледам проблем во тоа, на личната карта да стои дека сум Македонец. Апсолутно не гледам причина. За жал, има и такви парламентарни партии кои од страна му служат на Зоран Заев, кои се обидуваат да го спречат тоа. Јас навистина не гледам проблем зошто во мојата лична карта не стои мојата национална, етничка определба дека сум Македонец, рече Мицкоски, додавајќи дека некој тоа сака да го спречи.

Според него, оние кои сакаат да го спречат ова, претходно им сметал македонскиот јазик, Македонија и АСНОМ.

-Не им пречи да ја крадат и да ја пљачкаат сопствената земја. Затоа јас навистина не гледам што е тука спорно, ако во графата националност, нели бетон беше идентитетот, стои мојата етничка припадност дека ја сум Македонец. И инсистирам тоа да стои, рече Мицкоски.