Мицкоски до новите градоначалници: Јас ќе бидам вашиот најдобар пријател, но и најостриот критичар

Лидерот на ВМРО-ДПМНЕ, Христијан Мицкоски денес им се обрати на новите градоначалници од ВМРО-ДПМНЕ и коалицијата за „Обнова на Македонија“.

- Заборавете на привилегиите кои ги носи функцијата, засукајте ги ракавите и од утре на работа! Вашите фотелји заменете ги со излегување на терен, работа со граѓаните и носење решенија на нивните проблеми. Заборавете на матни тендери и договори во четири очи. Никогаш не заборавајте од каде доаѓаме! - ова денеска им го кажа лидерот на ВМРО-ДПМНЕ, Христијан Мицкоски на градоначалниците од неговата партија.

Тој додаде дека од него можат да очекуваат пријателство, но и критика.

- Јас ќе бидам вашиот најдобар пријател, но и најостриот критичар. Овој народ заслужи и мора да види разлика и резулати. Тие луѓе мора да знаат дека стојам зад секој мој збор. Имаме многу работа пред нас и резулатати да испорачаме. Не смееме да изневериме. Ова е огромна доверба и мора да знаеме да ја почитуваме. – рече Мицкоски.