Македонската кошаркарска репрезентација ќе игра предквалификации за СП

 

Македонската кошаркарска репрезентација која не успеа да се пласира на Евробаскет 2017, нема да се пресели во Б дивизијата, туку преку квалификациски турнир ќе се обиде да обезбеди опстанок во А дивизијата, а воедно тоа ќе бидат и предквалификации за СП 2019 година.

 

Шеснаесетте репрезентации кои не се пласираа на Евробаскет 2017 ќе имаат право да учествуваат во квалификациската рунда што ќе се одржи следното лето. 

 

Квалификациите ќе се одржат во периодот од 2 до 19 август следната година, а осумте најдобри ќе останат во А дивизијата, воедно ќе изборат пласман во квалификациите за СП 2019 година. 

 

Оние кои во предквалификациите ќе се пласираат под 8.место сепак ќе имаат право да играат во квалификациите за ЕП 2021 година.

 

Репрезентацијата на Македонија заедно со Белорусија, Португалија, Албанија, Луксембург, Естонија, Швајцарија, Кипар, Холандија, Австрија, Данска, Босна и Херцеговина, Шведска, Бугарија, Косово и Словачка, ќе се борат за осумте места кои обезбедуваат учество во квалификациите за Светското првенство 2019.