Лондонски „Телеграф“ го „умре“ принцот Филип

Електорнското издание на британскиот весник „Телеграф“ по грешка објави дека сопругот на кралицата Елизабета, принцот Филип, починал.

„ВАЖНО, ВАЖНО, ВАЖНО, прницот Филип, војводата од Едингург, почина во хх-тата година“, стои во насловот на „Телеграф“. 

Во нецелосниот текст на веста се наведува дека информацијата ја соопштила Бекингемската палата.

- Принцот Филчип, кого кралицата го опиша како нејзина сила и поддршка во текот на нејзиното рекордно владеење, почина хххххххх... Принцот ќе биде погребан во согласност со неговите желби, а кралската церемонија ќе се одржи за седум дена, стои во веста.

Веста набрзо беше сменета од онлајн иданието, но сепак тоа беше доволно таа да се прошири на интернет.

„Телеграф“ не даде официјално соопштение, но очигледно е дека станува збор за претходно подготвен текст во случај на смрт на принцот. Инаку, грешката настанала веројатно затоа што овонеделното повлекување на принцот Филип од јавниот живот, е заменето со негово „збогување со животот“.

Инаку, ова не е прв случај медиумите да го прогласат принцот Филип за мртов. Пред неколку месеци и магазинот „Сан“ објави наслов „Принцот Филип почина во 95-та година од животот“.