Лазаров: Нека победи подобриот

Барселона е екипа од највиското ракометно реноме, а дел од каталонскиот клуб неколку сезони е и најдобриот македонски ракометар Кирил Лазаров, кој во Келн ги игра последните натпревари во дресот на Барселона во Лигата на шампионите.

За полуфиналето со Вардар Кирил Лазаров за македонските медиуми изјави:

- Ждрепката сакаше со Вардар да играме во полуфинале, Вардар заслужи да се најде во елитата, заради трпеливост, веруваше во успех. Сакам да кажам дека сите го направија тоа со знаење и никој не победи со среќа. Победуваше Вардар, и на гости и дома. Одиграа екстра квалитетна сезона, победуваа со Флензбург РНЛ, Киелце,... Влегуваме со респект имаат различни видови на играчи, добро сме подготвени но на терен ќе видиме како ќе биде. Нека победи подобриот на терен. Барселона е најискусна екипа со освоени европски титули, но другите екипи имаат искуство, но атакуваат на свој начин. Ова за мене е петти турнир, и затоа можам да кажам дека е специфичен турнир. Сите посакуваме победи и имаме свои тактики, најдобрите со најдобра концентрација ќе бидат победници на финалето.