Латас: Заштита на Заев не е можна според закон

Уредникот и новинар Драган Павловиќ- Латас во својата најнова колумна пишува дека заштита на Заев не е можна според закон, затоа се менуваат законите и се создава неуставна институција. Се повторува истиот модел кој беше применет со СДСМ за Заев: се измислува специјално обвинителство и се носи на чело анонимен неквалификуван лик, како и Заев.

crveno-latas

 

Латас се осврнува и за капацитетот на специјалниот обвинител Катица Јанева.

 

–Како што ја ценат Геровски и Калајџиев, со капацитет кој не надминува обвинител за кражба на кокошки во Удово, или кршење чаши во казино Аполон. И не помина многу време за дилеми. Уште на старт Катица, донесена од никаде, се соживеа со улогата на амбасадорски измеќар на кој во Македонија никој ништо не му може, и побара вработувања за дури 124 луѓе, и буџет од 4 милиони евра годишно! Бара 30 бодигарди да ја чуваат... Ако е специјална, нека бидат специјални и парите за неа. Кој провинцијализам и искомплексираност е тоа човече, пишува Драган Павловиќ.

 

Тој директно и се обраќа со зборовите:

 

-Госпоѓо, ти си државен орган во Република Македонија, а не во Вирџинија. Од искуство да ти кажам дека тие на кои им измеќариш, ќе те употребат и фрлат како што стотици такви фрлија низ Балканов. А треба да се живее меѓу своите и понатаму. Можеби тие ќе ти дадат надомест, ќе те прослават и сликаат по нивните медиуми, ќе добиеш стипендии и проекти за децата во странство, и такви нешта но, се што имаш е овде, и се што е овде ќе те презира додека си жива ако планот кој го измеќариш – успее, пишува Латас.

 

На крајот Павловиќ вели дека исходот од сето ова со антиржавната политика на СДСМ ќе биде страдање за сите.- Ќе страдаме сите, и од ВМРО и од СДСМ,. Ќе ги снема покачувањата пензии, вработувањата, булеварите, субвенциите, новите болници... ќе ја снема оваа Македонија, пишува Латас.