Крвав напад врз болница: Има загинати и повредени, се бројат жртвите!

Најмалку седум лица загинаа, а 13 се повредени денеска при воздушни напади врз болница во северниот дел на Јемен извршени од сунитската коалиција, предводена од Саудиска Арабија, против шиитските бунтовници Хути, соопштија локалните власти.

Нападот бил извршен во провинцијата Хаџа, која е под контрола на бунтовниците, а бомбардираната болница е управувана од меѓународната хуманитарна организација „Лекари без граници“.

Моментно е невозможно да се спроведе евакуација на повредените бидејќи воени авиони се уште го надлетуваат реонот.

Во саботата десет деца беа убиени, а 28 повредени во воздушни напади врз училиште во соседната јеменска провинција Саада.