Конгресот ги укина барањата за вакцинација против Ковид за странските патници

Претставничкиот дом на САД гласаше за укинување на условот повеќето странски патници кои пристигнуваат во државата со авион да бидат вакцинирани против Ковид-19, едно од ретките преостанати пандемични ограничувања за патување што се уште е во сила.

Гласањето беше 227 против 201, при што седум демократи во Конгресот им се придружија на републиканците во гласањето за ставање крај на барањето за вакцинација против Ковид-19 за странските патници.

Администрацијата на Бајден во јуни го укина условот луѓето што пристигнуваат во САД со авион да бидат негативни за Ковид-19, но не ги укина барањата за вакцинација на Центрите за контрола и превенција на болести (ЦДЦ) за повеќето странски патници. Белата куќа во вторникот соопшти дека се противи на законот.