Коџаман: Мора да го победиме Вардар

Македонскиот првак Вардар на реваншот од баражот од Лигата Европа утре во Истанбул против Фенребахче ќе стартува со предност од 2:0 постигната на првиот дуел во четвртокот во Скопје. Во редовите на турската екипа истакнуваат дека се подготвени за новото искушение. Тренерот на Фенербахче Ајкут Коџаман на прес конференцијата истакна: 

-  Клучна работа е што мораме да влеземе во фазата од групите од Лига Европа. Поразот е тежок, иако доминиравме во играта во Скопје. Голот кој го примивме на крајот беше голема грешка. Утре мораме да се бориме до крај. Имаме нови 9-10 играчи, тоа е проблем кој треба да го надминеме, изјави Коџаман.

Натпреварот меѓу Фенербахче и Вардар ќе се игра на стадионот „Шукру Сарачоглу“, а турскиот тим се очекува да има максимална поддршка од трибините од околку 50.000 навивачи.