Кличко победи на изборите за градоначалник на Киев

Поранешниот светски боксерски шампион во тешка категорија Виталиј Кличко беше избран вчера за градоначалник на Киев на вториот круг од локалните избори.

Кличко, според резултати од излезноста, добил меѓу 68 и 71 отсто гласови што е за речиси 30 отсто повеќе од противникот Борислав Береза од ултранационалистичкото движење Десен сектор, јавуваат локални медиуми.

Во Днепропетровск победи Борис Филатов со повеќе од 60 отсто гласови пред Олександар Вилкул поранешен вицепремиер во владата на Виктор Јанукович. Претставникот на проруската опозиција Анатолиј Вершина победи со над 55 отсто гласови во Павлоград.