Клепер: Сноуден има уште документи за објавување

Шефот на американската Национална разузнавачка служба Џејмс Клепер изјави дека поранешниот службеник во НСА, Едвард Сноуден може да објави нови тајни документи.

– Претпоставките се дека тој се уште има многу документи кои чекаат да бидат објавени во време кое тој ќе го избере, изјави Клепер во интервју за Вашингтон пост.

Клепер додава дека САД се уште не можат да проценат точно колку штета е нанесена на разузнавачката структура со објавување на тајните документи.

– Тоа што Сноуден објави тајни документи влијаеше и на терористичките групи кои се повеќе се грижат за безбедноста и забрзуваат преминување на системи за шифрирање податоци, нагласи Клепер.