Кина ќе инвестира 725 милијарди долари во транспортни проекти

Кина планира во следниот период да инвестира 4,7 трилиони јуани (околу 725 милијарди долари) во големи проекти за изградба на инфраструктура, соопшти Меѓународното кинеско радио, цитирано од ТАСС.

Според претставникот на Државниот комитет за развој и реформи, Чан Цијан ова решение е поврзано со намерата на Владата до 2020 година над прагот на сиромаштијата да ги извади сите граѓани во земјата и посебно оние кои живеат во одалечените, сиромашни региони на Кина.

-Веруваме дека обезбедувањето пристап до полесните форми на транспорт на луѓето ќе им овозможи да ја надминат сиромаштијата. Имено, од овие причини во нашите планови вкличивме изградба на селски патишта, кои во следните три години ќе ги поврзат овие области со регионалните транспортни центри, изјави тој.

Според тригодишниот план за развој планирани се околу 300 нови градежни проекти.