Карпош Соколи го доби дербито со МЗТ Скопје

Кошаркарите на Карпош Соколи постигнаа победа вечерва во дербито на 1.коло од Првата лига откако на гостински терен го совладаа првакот МЗТ Скопје со 85:83 (22:16; 25:17; 23:26 и 15:24). Колективната игра на Карпош Соколи ја донесе првата победа во новото првенство. 

Натпреварот во поголемиот дел од првото полувреме беше изедначен, а потоа во финишот гостите направија серија од 13:0 што се покажа како решавачка особено што на полувреме резултатот беше 47:33. Во второто полувреме домашниот тим се обиде да направи пресврт, но освен расположениот Бојан Трајковски немаа други играчи кои ќе донесеа победа.

Најефикасен на дуелот беше Трајковски со 34 поени, додека во редовите на Карпош Соколи најпрецизен беше капитенот Дарко Соколов со 19 поени, а вкупно пет играчи имаа двоцифрен број поени. 

Претходно во стартното коло се одиграа натпреварите: Куманово - Работнички 88:91 (по продолжение), Струмица - Охрид 76:90, Кожув - Блокотехна 56:99, Пелистер - Шкупи 80:73 и Фени Индустри - Гостивар 92:96.

 

фото: www:mztskopjeaerodrom.mk