Карпош - прва општина со Декларација за безбедност на децата на патишта

Во рамките на одбележувањето на Светскиот ден на сеќавање на жртвите од сообраќајни незгоди, општина Карпош потпиша декларација за безбедност на децата на патиштата. Карпош е прва општина во Република Македонија која презема ваков чекор и кој е од големо значење за безбедноста, правилата и практиките во сообраќајот за младите.

- Ученици од десетте основни училишта од општина Карпош ја искажаа својата умна мисла на транспаренти кои ќе бидат објавени на веб порталот savekidslive2015.org...Кампањата има за цел да собере 100.000 потписи од целиот свет, а досега ја потпишале илјадници деца, родители, наставници и политичари, се наведува во соопштението од општина Карпош.

Декларацијата за безбедност на децата на патиштата ја потпиша претседателот на Советот на општина Карпош, Сашо Лазаревски и директорите на сите училишта од општината.

Оваа едукативна активност е во организација на Одделението за образование и Одделението за заштита и спасување при локалната самоуправа.