Јевтиќ:Проблемот со исчезнатите треба да го решиме заедно

Косовскиот министер за заедниците и враќање, Далибор Јевтиќ, смета дека Србија и Косово треба да соработуваат во решавањето на проблемот со исчезнатите.

- Двете страни изгубија и доживеаja многу нешта. За оваа тема треба да се разговара на различни нивоа,не само во рамките на политичкиот дијалог,туку тој дијалог треба да биде и во рамките на граѓанското општество,бидејќи на тој начин ќе надминеме една тешка и болна ситуација. Она што е најтешко е тоа што и после толку изминати години,по вооружениот конфликт, семејствата на исчезнатите не знаат каде се гробовите на нивните најмили, изјави Јевтиќ по повод денот на исчезнатите лица.

Деновиве  и косовскиот претседател Хашим Тачи апелираше што поитно да се разветли судбината на исчезнатите. Тој побара вистината и правдата да„дојдат што поитно во земјата“.

- Апелирам уште еднаш што побрзо да се расветли судбината на сите исчезнати,без оглед на нивната етничка,верска и професионална припадност,-изјави Тачи.

Помирувањето меѓу народите бара искреност, вистина и правда,оцени Тачи и заклучи дека никој не го заслужува тоа повеќе од семејствата на исчезнатите.