Иванов-Свинг: ИОМ високо го цени ангажманот на Македонија во мигрантската криза
Претседателот на Република Македонија, Ѓорге Иванов, во рамки на работната посета на Јордан и учеството на Светскиот економски форум за Блискиот Исток и Северна Африка, во Аман оствари средба со Вилијам Лејси Свинг, генерален директор на Меѓународната организација за миграција (ИОМ).
Двајцата соговорници, соопштуваат од Кабинетот на претседателот, размениле мислења за соработката меѓу Република Македонија и ИОМ, како и за активностите на организацијата на регионално и на глобално ниво.
Претседателот Иванов изразил благодарност за досегашната соработката што Република Македонија ја остварува со ИОМ, особено за поддршката во справувањето со мигрантската криза.
Генералниот директор изрази задоволство од односот и третманот на Република Македонија кон бегалците и мигрантите, согласно сите меѓународни стандарди и ги поздрави начините на кои земјата се справува со мигрантската криза.
На средбата претседателот Иванов изразил подготвеност за вклученост на Република Македонија во идните активности на ИОМ и продолжување на соработката согласно потребите на државата. На покана на Република Македонија, генерален директор на Меѓународната организација за миграција ќе ја посети Република Македонија.
Претседателот Иванов денеска учествува на Светскиот економски форум за Блискиот Исток и Северна Африка во Аман, каде ќе оствари повеќе билатерални средби.
Популарно од Македонија
Ново на Сител
-
Сиљановска - Давкова: Поддржувам укинување на Пржинската влада, двојно државјанство не треба да има и за претседателот и министрите
-
Ученик во основно училиште во Арачиново прободен со нож од соученик
-
Полицајци апселе криминалец па биле опколени од десетмина кои пробале да ги спречат, морале да пукаат во воздух
-
Две лица незаконски превезувале туристи во НП Шар Планина, кога имало обид да се спречат, пробале да ги прегазат вработените во паркот
-
Четворица тетовци дале капар од 45.900 денари за стан под кирија во Скопје, па биле измамени од газдарица
-
Пазарниот инспекторат најави засилени инспекциски контроли на пазарот на ѓубрива
-
Одложено судењето за деветмината полицајци обвинети во врска со трагедијата во дискотеката Пулс
-
Обвинителство: Извршен увид на градилиштето во Кисела Вода, ќе се врши обдукција на починатиот работник
