Иванов ќе ги посети припадниците на вооружените сили на јужната граница

Претседателот на Република Македонија и Врховен командант на вооружените сили Ѓорге Иванов, денеска ќе ги посети припадниците на АРМ кои се распоредени на јужната граница, каде ќе биде придружуван од министерот за одбрана Зоран Јолевски и началникот на ГШ на АРМ, генерал-потполковник Методија Величковски.

Како што соопшти Генералштабот на АРМ, во текот на посетата, претседателот Иванов на припадниците на АРМ кои ги извршуваат задачите за време на претстојните празници ќе им ја честита Новата 2016 година, при што е предвидено со нив да има и заеднички ручек.