Иван Јорданов: Штип направи вистински избор со разлика од над 15.000 гласови, благодарам мој Штип!

Актуелниот градоначалник на Штип, Иван Јорданов на социјалните мрежи објави дека добива уште еден мандат и се заблагодари на граѓаните. 

„Штип направи вистински избор со разлика од над 15.000 гласови, или сооднос 6:1! Денес испишавме историја за нашиот град. Политичката зрелост Штип ја докажа со поддршка на веќе воспоставена локална самоуправа. На овие избори победи вербата во она кое го сработивме, енергијата која секојдневно ја вложуваме и отвори можност за нови резултати на секое поле. Новиот мандат нема да биде нова иднина, туку сегашност што сме ја посакувале! Благодарам мој Штип! Благодарам мои штипјани!“, пишува тој.