Хирошима и Оукленд го отвораат Светското клупско првенство

Со натпреварот меѓу екипите на Хирошима и Оукленд Сити, денеска (11:45 часот) на стадионот во Јокохама, ќе започне Светското клупско првенство во фудбал.

 

На ова  натпреварување кое ќе трае до 20 декември, ќе учествуваат седум екипи. Покрај јапонскиот шампион Хирошима и првакот на Океанија, Оукленд Сити, ќе учествуваат и:

 

европскиот шампион – Барселона;

првакот на Јужна Америка – Ривер Плата;

шампионот на Северна и Средна Америка – Клуб Америка;

првакот на Азија – Гвангжу;

шампионот на Африка – Мазембе.

 

Победникот од денешниот дуел меѓу Хирошима и Оукленд  во четвртфиналето на 13 декември ќе игра против Мазембе.

 

Истиот ден во второто четвртфинале ќе се сретнат Гвангжу и Клуб Америка.

 

Победникот од натпреварот Хирошима/Оукленд - Мазембе, на 16 декември за противник во полуфиналето ќе го има тимот на Ривер Плата, а ден подоцна (17 декември) во второто полуфинале Барселона ќе игра против победникот од натпреварот Гвангжу – Клуб Америка.

 

Финалето ќе се игра во Јокохама на 20 декември.