Хан в понеделник во посета на Србија

Еврокомесарот за европска соседска политика и преговори за проширување, Јоханес Хан в понеделник ќе ја посети Србија. Во Белград е предвидено да се сретне со државниот врв на таа балканска држава и да присуствува на потпишување договор за финансиска поддршка за реформи во српската јавна управа. 

Станува збор за прв договор вреден 80 милиони евра за финансирање реформи во јавната управа на Србија со секторска буџетска поддршка во согласност со правилата на новиот инструмент за претпристапна помош ИПА 2. 

Хан ќе се сретне со српскиот премиер Александар Вучиќ, со министерот за надворешни работи, Ивица Дачиќ, како и со студенти и претставници на академската заедница.