Гутереш: Дводржавно решение е единствена опција

Генералниот секретар на Обединети нации, Антонио Гутереш денеска изјави дека дводржавно решение на израелско-палсетинскиот конфликт останува единствена одржлива опција.

Гутереш, кој за време на првата посета на Западен Брег се сретна со палестинскиот премиер Рами Хамдалах, истакна дека ќе направи се идејата за дводржавно решение да се материјализира.

- Неколку пати реков дека не постои план Б за дводржавно решение, посочи генералниот секретар на ОН.

Тој додаде дека изралеските населби се главна препрека за мирот, како и оти се „незаконски според меѓународното право“.

Гутереш по вчерашната средба со израелскиот премиер Бенјамин Нетанјаху ги критикуваше израелските населби, но истакна и дека Палестинците мора да го осудат тероризмот.