Грција во пламен, шумски пожари во северниот дел

Грчката полиција со хеликоптери и противпожарни возила се обидува да се справи со пожар, што избувна во саботата во близина на Хиландарскиот манастир на Атос, пренесува Танјуг.

Во гаснењето на пожарот учествуваат 36 пожарникари со 14 возила и 44 доброволци. Ангажирани се и два хеликоптери.

Според првичните информации пожарот е предизвикан од удар на гром.

Големиот шумски пожар продолжува да беснее и на островот Тасос, каде огнот веќе уништи неколку куќи, пренесува ДПА. Стотици пожарникари, седум ациони и еден хеликоптер се борат со пожарот, што избувна вчера.

Околу 20 шумски пожари се регистрирани во грција за време на викендот.