Големото македонско дерби Вардар - Пелистер ЖИВО на СИТЕЛ 3

Во фудбалското првенство на Македонија, односно Првата лига, денеска ќе се играат натпреварите од 8.коло. 

 

Оваа рунда го носи големото дерби меѓу вечните ривали Вардар и Пелистер. Натпреварот ќе се игра на стадионот „Борис Трајковски“ во скопската населба Маџари, а ќе започне од 15 часот.

 

Во истиот термин ќе стартуваат и другите четири натпревари во кои ќе се сретнат: Брегалница - Македонија ЃП, Шкендија – Ренова, Победа – Работнички и Шкупи – Силекс. 

 

Табела: Вардар 17 бодови, Шкендија 13 (-1 натпревар помалку), Работнички 12, Пелистер 11, Ренова 10, Силекс 9, Брегалница 6, Шкупи 5 (-1), Победа 5 и Македонија ЃП 3.