Гала концерт „Летај песно“ на млади музички уметници во МНТ

Гала концерт „Летај песно“ на врвни млади музички уметници со мелодиите на едни од најпознатите светски музички дела подготвени за камерен оркестар од страна на младиот уметник Вејчеслав Поповски ќе се одржи вечер во Македонскиот народен театар во Скопје.

Солисти на вечерта ќе бидат Тијана Димова, Вејчеслав Поповски, Анастасија Аврамовска, Ени Вучидолова и Бојан Ефтимов.

Идејата за концертот, како што информира организаторот, доаѓа од младиот нескротлив дух на оваа млада генерација музички уметници кои веруваат во својот потенцијал и во идејата дека заслужуваат можност да ни покажат со што тоа ние треба во иднина да се гордееме.